सांगली जिल्हा प्राथमिक शिक्षक सहकारी बँक लि., सांगली

स्थापना व पार्श्वभूमी : प्राथमिक शिक्षकांच्या आर्थिक अडीअडचणी दूर करण्यासाठी व त्यांना सावकारी पाशातून मुक्त करून बचतीची सवय लावण्यासाठी सन १९२४ मध्ये मसूर, ता. कराड, जि. सातारा येथे या बँकेची मुहूर्तमेढ रोवली गेली.

सातारा जिल्ह्याची विभागणी झाल्यानंतर ४ नोव्हेंबर १९५२ रोजी बँकेने "दक्षिण सातारा जिल्हा प्राथमिक शिक्षक सहकारी बँक" या नावाने स्वतंत्र कारभार सुरू केला. सांगली जिल्ह्याच्या निर्मितीनंतर ही संस्था "सांगली जिल्हा प्राथमिक शिक्षक सहकारी बँक मर्यादित, सांगली" या नावाने अधिकृतरीत्या ओळखली जाऊ लागली.

गेल्या १००+ वर्षांच्या प्रदीर्घ प्रवासात बँकेने अनेक चढ-उतार पाहिले, परंतु प्राथमिक शिक्षकांचे हित हेच एकमेव ध्येय ठेवून बँकेने सातत्याने प्रगती केली आहे. आज सांगली, सोलापूर, सातारा व रत्नागिरी अशा चार जिल्ह्यांमध्ये बँकेच्या १८ शाखा कार्यरत असून बँकेत अत्याधुनिक सीबीएस, मोबाईल बँकिंग आणि ई-पेमेंट सुविधा उपलब्ध आहेत. बँकेच्या एकूण ठेवींपैकी सुमारे ७०% ठेवी सभासदांव्यतिरिक्त समाजातील इतर सर्व स्तरांतून जमा झालेल्या आहेत.